ದಾರಿ
ಇಂದು ಜುಲೈ 1, ರಾಷ್ಟ್ರೀಯ ವೈದ್ಯರ ದಿನ. ರೋಗಿಗಳ ಪಾಲಿಗೆ ಮೃತ್ಯುಂಜಯನಾಗಿ, ಸಮಾಜದ ಆರೋಗ್ಯವನ್ನು ಕಾಪಾಡುವಲ್ಲಿ ಹಗಲಿರುಳು ಶ್ರಮಿಸುತ್ತಿರುವ ವೈದ್ಯ ಸಮುದಾಯವನ್ನು ಗೌರವಿಸುವ ಸುದಿನ.
ನಮ್ಮ ಬದುಕಿನಲ್ಲಿ ಕಾಯಿಲೆ ಅಥವಾ ತುರ್ತು ಪರಿಸ್ಥಿತಿ ಎದುರಾದಾಗ, ಭರವಸೆಯ ಕಿರಣವಾಗಿ ನಮಗೆ ಮೊದಲು ನೆನಪಾಗುವುದು ವೈದ್ಯರು. ತಮ್ಮ ಸ್ವಂತ ಸುಖ-ದುಃಖಗಳನ್ನು ಬದಿಗಿಟ್ಟು, ರೋಗಿಗಳ ಪ್ರಾಣ ಉಳಿಸಲು ವೈದ್ಯರು ಮಾಡುವ ಸೇವೆ ಅನನ್ಯವಾದದ್ದು. ಆಧುನಿಕ ವೈದ್ಯಕೀಯ ವಿಜ್ಞಾನವು ಇಂದು ಎಷ್ಟೇ ಮುಂದುವರೆದಿದ್ದರೂ, ವೈದ್ಯರ ಮಾನವೀಯ ಸ್ಪರ್ಶ ಮತ್ತು ಸಾಂತ್ವನ ರೋಗಿಯ ಮನಸ್ಸಿಗೆ ನೀಡುವ ಧೈರ್ಯವು ಯಾವುದೇ ಔಷಧಿಗಿಂತ ಕಡಿಮೆಯಿಲ್ಲ.
ಭಾರತದಲ್ಲಿ ರಾಷ್ಟ್ರೀಯ ವೈದ್ಯರ ದಿನವನ್ನು ಖ್ಯಾತ ವೈದ್ಯರು ಮತ್ತು ಪಶ್ಚಿಮ ಬಂಗಾಳದ ಮಾಜಿ ಮುಖ್ಯಮಂತ್ರಿ ಡಾ. ಬಿ.ಸಿ. ರಾಯ್ ಅವರ ಜನ್ಮದಿನ ಹಾಗೂ ಸ್ಮರಣಾರ್ಥವಾಗಿ ಆಚರಿಸಲಾಗುತ್ತದೆ. ವೈದ್ಯಕೀಯ ಕ್ಷೇತ್ರದಲ್ಲಿ ಅವರು ನೀಡಿದ ಅಪಾರ ಕೊಡುಗೆಗಳನ್ನು ಸ್ಮರಿಸುವುದು ಮತ್ತು ವೈದ್ಯರ ಸೇವೆಯನ್ನು ಗುರುತಿಸಿ ಅವರಿಗೆ ಧನ್ಯವಾದ ಅರ್ಪಿಸುವುದು ಈ ದಿನದ ಉದ್ದೇಶವಾಗಿದೆ.
**ಸವಾಲುಗಳ ನಡುವೆಯೂ ಕರ್ತವ್ಯನಿಷ್ಠೆ:
ಇಂದಿನ ಬದಲಾಗುತ್ತಿರುವ ಜಗತ್ತಿನಲ್ಲಿ, ಹೆಚ್ಚುತ್ತಿರುವ ರೋಗಗಳು ಮತ್ತು ಕಠಿಣ ಸವಾಲುಗಳ ನಡುವೆಯೂ ವೈದ್ಯರು ತಮ್ಮ ಕರ್ತವ್ಯವನ್ನು ಅಚಲವಾಗಿ ನಿರ್ವಹಿಸುತ್ತಿದ್ದಾರೆ. ಸಾಂಕ್ರಾಮಿಕ ರೋಗಗಳ ಸಂದರ್ಭದಲ್ಲಿ ವೈದ್ಯರು ಮುಂಚೂಣಿಯಲ್ಲಿ ನಿಂತು ಹೋರಾಡಿದ ಬಗೆ ಇಡೀ ಜಗತ್ತೇ ಮೆಚ್ಚುವಂತದ್ದು.
**ಸಮಾಜದ ಸಂದೇಶ:**
"ವೈದ್ಯರು ಸಮಾಜದ ಬೆನ್ನೆಲುಬು. ನಾವು ಇಂದು ಅವರ ಸೇವೆಗೆ ಕೃತಜ್ಞತೆ ಸಲ್ಲಿಸೋಣ. ವೈದ್ಯರ ಮೇಲಿನ ನಂಬಿಕೆ ಮತ್ತು ಗೌರವವನ್ನು ಉಳಿಸಿಕೊಳ್ಳುವುದು ನಮ್ಮೆಲ್ಲರ ಜವಾಬ್ದಾರಿ,
"
ನಾಗರಿಕ ಅಭಿಪ್ರಾಯ
ನಾಗೇಶ್ ಕಡಿಮನಿ ಜೈ ಭಾರತ್ ಮಾತಾ ಸೇವಾ ಸಮಿತಿಯ ಜಿಲ್ಲಾ ಅಧ್ಯಕ್ಷರು ಬೀದರ್ (ಬೀದರ)
"ನಮ್ಮ ಆರೋಗ್ಯದ ಕವಚ, ನಮ್ಮ ಡಾಕ್ಟರ್, ಅವರಿಲ್ಲ ಅಂದ್ರೆ ನಮ್ಮ ದೇಹ ರೋಗಗಳ ಉಗ್ರಾಣ"
ನಾಗರಿಕ ಅಭಿಪ್ರಾಯ
ರಾಜಕುಮಾರ್ ಮೂಲ ಭಾರತಿ, ಸಾಮಾಜಿಕ ಹೋರಾಟಗಾರರು (ಬೀದರ)
"ನಿಸ್ವಾರ್ಥ ಸೇವೆ ಅಂದ್ರೆ, ಅದು ಕೇವಲ ವೈದ್ಯರ ಸೇವೆ ಅವರೆಲ್ಲರಿಗೆ ಕೋಟಿ ಕೋಟಿ ನಮನಗಳು"